ਸਰੀਰ 'ਚ ਪਈ ਖੁਰਕ ਨੂੰ ਦੂਰ ਕਰਨ ਦੇ ਘਰੇਲੂ ਨੁਸਖ਼ੇ | Home Remedies for Skin Allergies

ਖਾਰਿਸ਼ ਜਾਂ ਖੁਰਕ ਇਕ ਜੀਵਾਣੂਆਂ ਤੋਂ ਹੋਣ ਵਾਲੀ ਬੀਮਾਰੀ ਹੈ। ਇਹ ਜੀਵਾਣੂ ਬਹੁਤ ਛੋਟੇ ਜੂੰ ਵਰਗੇ ਹੁੰਦੇ ਹਨ। ਇਹ ਚਮੜੀ ਦੇ ਅੰਦਰ ਰੋਮਕੂੱਪਾਂ 'ਚ ਲੁਕ ਕੇ ਅੰਡੇ ਦਿੰਦੇ ਹਨ ਅਤੇ ਆਮ ਤੌਰ 'ਤੇ ਰਾਤ ਨੂੰ ਨਿਕਲ ਕੇ ਜਿਥੇ-ਜਿਥੇ ਚਮੜੀ ਨੂੰ ਕੱਟਦੇ ਹਨ। ਉਥੇ-ਉਥੇ ਖੁਜਲੀ ਪੈਦਾ ਹੁੰਦੀ ਹੈ। ਇਹ ਇਕ ਆਦਮੀ ਤੋਂ ਦੂਜੇ ਤੱਕ ਚੱਲੇ ਜਾਂਦੇ ਹਨ। ਇਸ ਤਰ੍ਹਾਂ ਇਹ ਬੀਮਾਰੀ ਬਹੁਤ ਤੇਜ਼ੀ ਨਾਲ ਫੈਲਦੀ ਹੈ। ਆਮ ਤੌਰ 'ਤੇ ਇਹ ਜੀਵਾਣੂ ਗਰਦਨ ਤੋਂ ਉੱਪਰਲੇ ਹਿੱਸੇ ਨੂੰ ਆਪਣਾ ਸ਼ਿਕਾਰ ਨਹੀਂ ਬਣਾਉਂਦੇ ਭਾਵ ਮੰੂੰਹ, ਕੰਨ, ਸਿਰ ਆਦਿ ਇਸ ਤੋਂ ਬਚੇ ਰਹਿੰਦੇ ਹਨ। ਇਹ ਜੀਵਾਣੂ ਉਂਗਲਾਂ ਦੇ ਵਿਚ ਵੀ ਕੱਟਦੇ ਹਨ ਅਤੇ ਉਥੇ ਖਾਰਿਸ਼ ਦੇ ਦਾਣੇ ਹੋ ਜਾਂਦੇ ਹਨ।

ਇਲਾਜ

• ਮੁੰਡੀ ਦੇ ਪੱਤਿਆਂ ਨੂੰ ਪਾਣੀ 'ਚ ਉਬਾਲ ਕੇ ਪੀਹ ਕੇ ਲੇਪ ਕਰਨ ਨਾਲ ਖਾਰਿਸ਼ ਠੀਕ ਹੁੰਦੀ ਹੈ।
• ਦੁੱਧ 'ਚ ਚੰਦਨ ਜਾਂ ਨਾਰੀਅਲ ਦਾ ਤੇਲ ਅਤੇ ਮੁਸ਼ਕ ਕਪੂਰ ਮਿਲਾ ਕੇ ਲਗਾਉਣ ਨਾਲ ਖਾਰਿਸ਼ ਠੀਕ ਹੁੰਦੀ ਹੈ।
• ਚਮੇਲੀ ਦੇ ਤੇਲ 'ਚ ਨਿੰਬੂ ਦਾ ਰਸ ਮਿਲਾ ਕੇ ਸਰੀਰ 'ਤੇ ਮਾਲਸ਼ ਕਰਨ ਤੋਂ ਬਾਅਦ ਇਸ਼ਨਾਨ ਕਰਨ ਨਾਲ ਖਾਰਸ਼ ਤੋਂ ਛੁਟਕਾਰਾ ਮਿਲਦਾ ਹੈ।
• ਨਿੰਮ ਦੇ ਪੱਤੇ 6 ਗ੍ਰਾਮ, ਖੂਨ ਦੇ ਖਰਾਬੀ ਨਾਲ ਪੈਦਾ ਹੋਈ ਖਾਰਸ਼ ਨੂੰ ਖਤਮ ਕਰਨ ਲਈ ਕਾਲੀ ਮਿਰਚ ਦੇ 10 ਦਾਣਿਆਂ ਨਾਲ ਪੀਹ ਕੇ ਖਾਉ।
• ਆਂਵਲੇ ਦੀ ਗਿਟਕ ਨੂੰ ਸਾੜ ਕੇ ਸਵਾਹ ਬਣਾ ਲਵੋ। ਉਸ ਸਵਾਹ 'ਚ ਨਾਰੀਅਲ ਦਾ ਤੇਲ ਮਿਲਾ ਕੇ ਖਾਰਸ਼ ਵਾਲੇ ਹਿੱਸੇ 'ਤੇ ਮਾਲਸ਼ ਕਰੋ।
• ਲਾਲ ਟਮਾਟਰ ਦਾ 50 ਗ੍ਰਾਮ ਰਸ ਸਵੇਰੇ, 50 ਗ੍ਰਾਮ ਸ਼ਾਮ ਨੂੰ ਪੀਣ ਨਾਲ ਚਮੜੀ ਦੀ ਖੁਸ਼ਕੀ ਖਤਮ ਹੋਣ ਨਾਲ ਖਾਰਸ਼ ਖਤਮ ਹੁੰਦੀ ਹੈ।
• ਜਵੈਣ ਨੂੰ ਪਾਣੀ 'ਚ ਪੀਹ ਕੇ ਲੇਪ ਕਰਨ ਨਾਲ ਖਾਰਸ਼ ਖਤਮ ਹੁੰਦੀ ਹੈ।
• ਨਾਰੀਅਲ ਦੇ 50 ਗ੍ਰਾਮ ਤੇਲ 'ਚ 10 ਗ੍ਰਾਮ ਮੂਸ਼ਕਪੂਰ ਮਿਲਾ ਕੇ ਸਰੀਰ 'ਤੇ ਮਾਲਸ਼ ਕਰਨ ਨਾਲ ਖਾਰਸ਼ ਦਾ ਖਾਤਮਾ ਹੁੰਦਾ ਹੈ।
• 20 ਗ੍ਰਾਮ ਨਾਰੀਅਲ ਤੇਲ 'ਚ 10 ਗ੍ਰਾਮ ਨਿੰਬੂ ਦਾ ਰਸ ਮਿਲਾ ਕੇ ਮਾਲਸ਼ ਕਰਨ ਨਾਲ ਖਾਰਿਸ਼ ਦੂਰ ਹੋ ਜਾਂਦੀ ਹੈ।
• ਠੰਡ ਦੀ ਰੁੱਤ 'ਚ ਠੰਡੀ ਹਵਾ ਕਾਰਨ ਖੁਸ਼ਕੀ ਨਾਲ ਪੈਦਾ ਹੋਈ ਖਾਰਿਸ਼ ਸਰ੍ਹੋਂ ਦੇ ਤੇਲ ਨਾਲ ਮਾਲਸ਼ ਕਰਕੇ ਗਰਮ ਪਾਣੀ ਨਾਲ ਇਸ਼ਨਾਨ ਕਰਨ ਨਾਲ ਖਤਮ ਹੁੰਦੀ ਹੈ।